Milagro eukaristiko

An milagro eukaristiko napadapit sa sarong dai maipaliwanag sa syensia na pangyayari na an sarong hostya sa pagMisa nagigin laman o sarong kabtang nin tawo asin an arak nagigin dugo nin tawo. Inaapod na Banal na Eukaristiko an pagMisa kun saen an milagrong ini nangyayari. An sentro nin pagtubod sa Kristianismo asin partikular sa Katolisismo o sa liturhiya ortodoxa na si Hesukristo nanggad an yaon sa pagMisa asin sa akto nin pagpangadye kan padi kan pamibing eukaristiko an hostya asin arak nagigin iyo mismo si Hesuskristo dawa totoo sa paghiling iyo pa giraray an hitsura nin hostya asin arak. Para sa tunay na kristiano, sala sa pagtubod na ining ritwal na ini saro sanang simbolismo.

Alagad, an milagro dai man limitado sa paghira kan arak sa tunay na dugo o kan hostya sa laman-tawo. An milagro pwedeng an hostya dai nalalapa sa lawig nin pirang gatos na taon o ini masulo kun isa'pag sa kalayo o kun malubong sa irarom nin daga, asin may hostya na nagkukuprit nin dugo.

An sinasarabing milagro totoo bako man gabos binibisto na milagro kan mga autoridad nin Simbahan Romano Katoliko.